البحر وحنانه كلمات الشاعر محمد أبو الحسن
كلمات محمد أبو الحسن
*********
جيتلك يابحر
واناكلى أسى وهموم
تعبان من ساسى لراسى
خلينى فى حضنك
كم يوم
يمكن ينعشنى حضنك
وارتاح وانا جنبك
وتشيل عنى الهموم
يابحرحملى تقيل
وقلبى كمان عليل
وجراحى كتير قوى
بالكوم
مش عارف إن كنت
ظالم
ولاأنا المظلوم
هحكيلك يابحر وهتفهم
عليا
هقولك سطر واحد
من كل اللى فيا
حبيت من كل قلبى
وربى شاهد عليا
وسهرت كتيرليالى
ولاحد حس بيا
أستنى بشوق حبيبى
أقول يمكن يجينى
أويسأل عليا
وفات عمرى وسنينى
وانا عالحاله ديا
وشوقى ليه قتلنى
وقلبى كمان تعبنى
لا قادر انسى هواه
ولاهو عاد فاكرنى
ياريت يابحر تقوللى
كلام حلو يريحنى
وبلاش انت كمان
تكون آسى وتجرحنى
أنا جيتلك حزين
ياريت بقى تفرحنى
وتنسينى اللى كان
فى الوقت والمكان
وخلى السر فى بير
يابحر إوعاك تفضحنى
محمدأبوالحسن
Commentaires
Enregistrer un commentaire