اكذب حين اقول احبك كلمات الشاعر عامر الجبوري

/اكذب حين اقول لن احبك /     ( لهجتي العراقيه ))
____

كل يوم اشوفك عبالي اليوم شفتك

يكثر حنيني يوم من بعد يوم 

كل لحظه التمر  روحي بشواك حاظنتك

ولا مره مليتك 

ولا مره ماحسيتك

ولا مره نسيتك

على بالي ليل ونهار افكر بعطرك 

ياخذني ويجرني ليك سحرك

اذب روحي ماي بوسط بحر 

هيج احس من اغفى على صدرك 

ونغاغيك ودلعك وللصبح العب 

         بشعرك

فلا  عطر مثل عطرك 

فلا شعر مثل شعرك

فلا خصر مثل خصرك

فلا طول مثل طولك

....

ولك عطشان الك محتاجك

ولك مو بس ارويني  لا 

غركني بعمق بحرك

موتني بصوت حنجرتك 

ياصوتك اليشبه تغريد بلابل الصبح 

يحيني من بعد موت ليل المضه

يا حنانك  العوضني حرمان 

اسنين عمري الراحن بلا عشك 

رجعت الي صباي وشباب روحي 

توها روحي حيت 

وعيني توهه شافت حياة 

من يوم الي بيك صبحت 

غمضت ونامت بأمان وغفت
..
شلون انساك 

واني بيك اعرفت شلون اعيش

شلون اتركك

واني من انفاسك  انتعش

لا ولك 

لا لا على بختك 

تريدني اعيش بلا  حبك وشوفتك 

يل مليت عيوني 

وقلبي دكاته من محنتك 

اطيني ايدك 

خل الزمه حيل وضمك وعلي اشدك

وموت واني لافك الي وشابكك

احبك 

وهم 

احبك 

وبقى

احبك

وسهرلك 

وغنيلك

اغنيه كاتبه بنار الشوك وملحنها

بانين الفراك وعلى عرب حنجرتي 

المختنكه

اغنيها الك بصوت سالفتك 

.
.
.
# عامر الجبوري